பிளஸ் 2 தேர்வில் தூத்துக்குடி மாவட்டம் 97.36% தேர்ச்சி: தமிழகத்தில் 5வது இடம் பிடித்தது!

தூத்துக்குடி மாவட்டத்தில் பிளஸ் 2 பொதுத் தேர்வில்  97.36 சதவீதம் பேர் தேர்ச்சி பெற்றுள்ளனர். 

தமிழகம் முழுவதும் பிளஸ் 2 பொதுத்தேர்வு மார்ச் 13 ஆம் தேதி தொடங்கி ஏப்ரல் 3 ஆம் தேதி வரையில் நடைபெற்றது. இதில், தூத்துக்குடி மாவட்டத்தில், 10,498 மாணவிகள், 8,513 மாணவர்கள் என மொத்தம் 19ஆயிரத்து 11 மாணவ, மாணவிகள் தேர்வு எழுதினர். இந்நிலையில் தேர்வு முடிவுகள் இன்று வெளியிடப்பட்டது. இதில் தூத்துக்குடி மாவட்டத்தில் ஆண்கள் 8196 பேர் தேர்ச்சி பெற்றுள்ளனர். 

இது 96.28 சதவீதம் ஆகும். தமிழகத்தில் 5வது இடம் பிடித்துள்ளது. மாணவிகள் 10,313 பேர் தேர்ச்சி பெற்றுள்ளனர். இது 98.24 சதவீதம் ஆகும். தூத்துக்குடி மாவட்டத்தில் மொத்தம் 18ஆயிரத்து 509 மாணவ மாணவிகள் தேர்ச்சி பெற்றுள்ளனர். தேர்ச்சி சதவீதம் 97.36 ஆகும். பிளஸ் 2 தேர்வில் தோல்வியடைந்த மாணவர்கள் ஜூன் 19-ல் நடைபெறும் துணைத்தேர்வுக்கு வின்ணப்பித்து பங்கேற்குமாறு பள்ளிக் கல்வித்துறை அறிவித்துள்ளது.