» செய்திகள் - விளையாட்டு » மாவட்ட செய்தி (தூத்துக்குடி)
இளம்பெண் பாலியல் பலாத்காரம்: காதலனுக்கு 10 ஆண்டு சிறை தண்டனை
புதன் 30, நவம்பர் 2022 7:31:06 PM (IST)
இளம்பெண்ணை பாலியல் பலாத்காரம் செய்த வாலிபருக்கு 10 ஆண்டு சிறை தண்டனை விதித்து தூத்துக்குடி நீதிமன்றம் தீர்ப்பளித்தது.
விருதுநகர் மாவட்டம், சாத்தூர் அருகே உள்ள நீராவிபட்டி கிராமத்தை சேர்ந்தவர் செல்வபெருமாள் மகன் அழகுராஜ் (32) இவர் தூத்துக்குடி மாவட்டம் எட்டயபுரத்தை சேர்ந்த (17) இளம் பெண்ணை திருமண ஆசை கூறி பாலியல் பலாத்காரம் செய்தார். இதுகுறித்து புகாரின் பேரில் விளாத்திகுளம் அனைத்து மகளிர் காவல் நிலைய போலீசார் வழக்கு பதிவு செய்தனர்.
இந்த வழக்கு விசாரணை தூத்துக்குடி மகிளா நீதிமன்றத்தில் நடைபெற்றது. இந்த வழக்கை விசாரணை செய்த நீதிபதி மாதவ ராமானுஜம் அழகுராஜுக்கு 10 ஆண்டுகள் கடுங்காவல் தண்டனையும் ரூ.4000/- அபராதம் விதித்து தீர்ப்பு கூறினார். இந்த வழக்கில் அரசு தரப்பில் வழக்கறிஞர் எல்லம்மாள் கிசிங்கர் ஆஜரானார்.