» செய்திகள் - விளையாட்டு » மாவட்ட செய்தி (தூத்துக்குடி)
தூத்துக்குடியில் பைக் விபத்தில் வாலிபர் உயரிழப்பு : நண்பர்கள் இருவர் காயம்!
திங்கள் 28, நவம்பர் 2022 11:07:21 AM (IST)
தூத்துக்குடியில் பைக் விபத்தில் வாலிபர் உயிரிழந்தார். அவரது நண்பர்கள் 2பேர் படுகாயம் அடைந்தனர்.
தூத்துக்குடி தாளமுத்துநகர், தாய் நகரைச் சேர்ந்த முனியாண்டி மகன் காளியப்பன் (22), இவரது நண்பர்கள் ஸ்டீபன் மகன் வின்சென்ட் (19), சுந்தரலிங்கம் மகன் ஆனந்தவேல் (20) ஆகிய மூவரும் ஒரே பைக்கில் நேற்று குளத்தூர் சென்றுவிட்டு கிழக்கு கடற்கரை சாலையில் வந்து கொண்டிருந்தனர். வேப்பலோடை அருகே பைக் நிலைதடுமாறி விபத்துக்குள்ளானது.
இதில் பைக்கில் வந்த மூவரும் பலத்த காயம் அடைந்தனர். அவர்கள் அனைவரும் தூத்துக்குடி அரசு மருத்துவமனையில் அனுமதிக்கப்பட்டனர். அங்கு சிகிச்சை பலனின்றி காளியப்பன் உயிரிழந்தார். அவரது நண்பர்கள் இருவருக்கும் தீவிர சிகிச்சை அளிக்கப்பட்டு வருகிறது. விபத்து குறித்து தருவைகுளம் போலீஸ் இன்ஸ்பெக்டர் விஜயலட்சுமி வழக்குப் பதிந்து விசாரணை நடத்தி வருகிறார்.