» செய்திகள் - விளையாட்டு » மாவட்ட செய்தி (தூத்துக்குடி)
தூத்துக்குடியில் மீன்பிடி துறைமுகம் அருகே பெண் சடலம்: போலீசார் விசாரணை
வியாழன் 29, செப்டம்பர் 2022 10:49:32 AM (IST)
தூத்துக்குடியில் மீன்பிடி துறைமுகம் அருகே கிடந்த பெண் சடலத்தை மீட்டு போலீசார் விசாரணை நடத்தி வருகின்றனர்.
தூத்துக்குடி பீச் ரோடு மீன்பிடி துறைமுகம் அருகே ஒரு பெண் சடலம் கிடைப்பதாக தென்பாகம் காவல் நிலையத்திற்கு கிடைத்த தகவலின் பெயரில் இன்ஸ்பெக்டர் ராஜாராம் மற்றும் போலீசார் சம்பவ இடத்திற்கு சென்று உடலைக் கைப்பற்றி பிரேத பரிசோதனைக்காக தூத்துக்குடி அரசு மருத்துவமனைக்கு அனுப்பி வைத்தனர்.
இறந்து கிடந்த பெண்ணுக்கு வயது 45 இருக்கும், பச்சை நிற பூப்போட்ட சேலை அணிந்துள்ளார். அவர் யார்? எந்த ஊரை சேர்ந்தவர்? எப்படி இறந்தார்? என்று விவரம் தெரியவில்லை. இது சம்பந்தமாக கிராம நிர்வாக அதிகாரி திரேசம்மாள் கொடுத்த புகாரின் பேரில் தென்பாகம் போலீசார் வழக்கு பதிவு செய்து விசாரணை நடத்தி வருகிறார்கள்.