முதல்வர் ஸ்டாலின் 7ம் தேதி தூத்துக்குடி வருகை: பாதுகாப்பு ஏற்பாடுகள் ஐஜி அஸ்ரா கார்க் ஆய்வு

வருகின்ற 07.09.2022 அன்று தூத்துக்குடி மாவட்டத்திற்கு வருகை தரும் தமிழக முதல்வர் வருகையை முன்னிட்டு தூத்துக்குடி விமான நிலையத்திற்கு தென்மண்டல காவல்துறை தலைவர்அஸ்ரா கார்க் நேரில் சென்று பாதுகாப்பு ஏற்பாடுகள் குறித்து ஆய்வு மேற்கொண்டார். மேலும் விமான நிலையத்தின் சுற்றுவட்டார பகுதிகளின் முக்கிய சாலைகள் போன்றவற்றிலும் பாதுகாப்பு ஏற்பாடுகள் குறித்து அவர் ஆய்வு செய்தார்.

ஆய்வின் போது மதுரை சரக காவல்துறை துணைத் தலைவர் பொன்னி, தூத்துக்குடி மாவட்ட காவல் கண்காணிப்பாளர் பாலாஜி சரவணன், திருநெல்வேலி மாவட்ட காவல் கண்காணிப்பாளர் சரவணன், தூத்துக்குடி ஊரக உட்கோட்ட காவல் உதவி கண்காணிப்பாளர் சந்தீஷ், விமான நிலைய காவல் ஆய்வாளர் உமாதேவி, தூத்துக்குடி போக்குவரத்து பிரிவு காவல் ஆய்வாளர் மயிலேறும் பெருமாள், மாவட்ட தனிப்பிரிவு காவல் ஆய்வாளர் பேச்சிமுத்து  மற்றும் காவல்துறையினர் உடனிருந்தனர்.