போலி பத்திர பதிவு புகார்: சார் பதிவாளர் இடைநீக்கம் - சசிகலா புஷ்பா வரவேற்பு

தூத்துக்குடி மாவட்டம் தெற்கு சிலுக்கன்பட்டி, வடக்கு சிலுக்கன்பட்டி, செந்திலாம் பண்ணை, கிராமத்தில் 500 விவசாயிகளுக்கு சொந்தமான சுமார் 2 ஆயிரத்து 500 ஏக்கர் விவசாய நிலத்தை மோசடியாக தனி நபருக்கு பத்திரப்பதிவு செய்து கொடுத்ததாக கூறப்படுகிறது. இதனை தொடர்ந்து பா.ஜனதா கட்சி மாநில துணைத் தலைவர் சசிகலா புஷ்பா தலைமையில் 100-க்கும் மேற்பட்ட விவசாயிகள் தூத்துக்குடி அருகிலுள்ள புதுக்கோட்டை சார்பதிவாளர் அலுவலகத்தில் முற்றுகை போராட்டம் நடத்தினர். 

தொடர்ந்து விவசாயிகளின் நிலங்களை அவர்களுக்கே பத்திரப்பதிவு செய்து கொடுக்க வேண்டும் என்ற வலியுறுத்தினர். தொடர்ந்து சார்பதிவாளர் உரிய நடவடிக்கை எடுப்பதாக தெரிவித்தார். இந்நிலையில், பத்திரப்பதிவுத் துறை டிஐஜி கவிதா ராணி விசாரணை மேற்கொண்ட விசாரணையில் புகார் உண்மை என தெரியவந்ததை அடுத்து பத்திரப் பதிவாளர் மோகன்தாஸ் இடைக்கால பணிநீக்கம் செய்யப்பட்டுள்ளார். இது ஆளுங்கட்சி செய்த தவறை சுட்டிக்காட்டி பாரதிய ஜனதா கட்சி வெற்றி பெற்றுள்ளது. பாரதிய ஜனதா கட்சிக்கும் மாநிலத் தலைவர் அண்ணாமலைக்கும் கிடைத்த மாபெரும் வெற்றி என்று சசிகலா புஷ்பா கூறியுள்ளார்.