» செய்திகள் - விளையாட்டு » மாவட்ட செய்தி (தூத்துக்குடி)

ஜவுளிக்கடை அதிபரின் மனைவியிடம் 7 பவுன் நகை பறிப்பு: தூத்துக்குடியில் பரபரப்பு!

வியாழன் 12, மே 2022 3:43:01 PM (IST)

தூத்துக்குடியில் ஸ்கூட்டரில் சென்ற ஜவுளிக்கடை அதிபரின் மனைவியிடம் 7 பவுன் நகையை பறித்துச் சென்ற மர்மநபர்களை போலீசார் தேடி வருகின்றனர். 

தூத்துக்குடி ஸ்டேட் பாங்க் காலனியை சேர்ந்தவர் போஸ்கோ. இவரது மனைவி சாயசித்ரா (52). இவர்கள் தூத்துக்குடியில் ரெடிமேட் ஜவுளிக் கடை நடத்தி வருகின்றனர். நேற்று இரவு கடையை அடைத்து விட்டு சாயசித்ரா தனது மகளுடன் மொபட்டில் வீட்டுக்கு சென்று கொண்டிருந்தார். அவர்கள் புதிய பஸ் நிலையம் கடந்து சென்ற போது பின்னால் பைக்கில் வந்த 2  பேர், திடீரென சாயசித்ரா கழுத்தில் கிடந்த 7 பவுன் செயினை பறித்துவிட்டு கண்ணிமைக்கும் நேரத்தில்  தப்பி சென்றனர். 

இதனால் நிலை தடுமாறிய தாய்-மகள் இருவரும் மொபட்டில் இருந்து கீழே விழுந்தனர். இதில் காயமடைந்த 2 பேரும் தூத்துக்குடி அரசு மருத்துவமனையில் சேர்க்கப்பட்டு சிகிச்சை பெற்றனர். இது தொடர்பான புகாரின் பேரில் வடபாகம் போலீசார் வழக்குப்பதிவு செய்து விசாரணை நடத்தி வருகின்றனர். மேலும் அப்பகுதியில் உள்ள சி.சி.டி.வி. காமிராக்களில் பதிவான காட்சிகளை ஆய்வு செய்து கொள்ளையில் ஈடுபட்ட மர்மநபர்களை அடையாளம் காணும் பணியில் ஈடுபட்டுள்ளனர்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads









Thoothukudi Business Directory