» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் தமிழ்நாடு மெர்க்கன்டைல் வங்கி சார்பில் 59 சிசிடிவி கேமராக்கள் : எஸ்பி துவக்கி வைத்தார்!

புதன் 27, ஏப்ரல் 2022 11:17:39 AM (IST)



தூத்துக்குடியில் தமிழ்நாடு மெர்க்கன்டைல் வங்கி சார்பில் அமைக்கப்பட்ட சிசிடிவி கேமராக்களை மாவட்ட எஸ்பி பாலாஜி சரவணன் துவக்கி வைத்தார். 

தூத்துக்குடியை தலைமையிடமாகக் கொண்டு இயங்கி வரும் தமிழ்நாடு மெர்க்கன்டைல் வங்கி சார்பில் தூத்துக்குடி பிரதான சாலையான விவிடி சிக்னல் முதல் பழைய துறைமுகம் வரை 9 இடங்களில் 59 சிசிடிவி கேமராக்கள் பொருத்தப்பட்டு உள்ளது. இதில் நான்கு இடங்களில் அதிநவீன கேமரா பொருத்தப்பட்டு உள்ளது. இதில் வாகனங்களில் செல்வோர் செல்பவர்கள் முகம் மற்றும் வண்டியின் நம்பர் பிளேட் எந்த பக்கம் இருந்து பார்த்தாலும் தெரியும்படி அதிநவீன கேமரா பொருத்தப்பட்டுள்ளது.

இதன் துவக்க விழா தூத்துக்குடி மத்திய பாகம் காவல் நிலையத்தில் நடந்தது. விழாவிற்கு தமிழ்நாடு மெர்க்கன்டைல் வங்கியின் துணை பொது மேலாளர் சுந்தரேசன் தலைமை தாங்கினார். தூத்துக்குடி டவுன் டிஎஸ்பி கணேசன் முன்னிலை வைத்தார். மத்திய பாகம் காவல் நிலைய ஆய்வாளர் ஜெயபிரகாஷ் வரவேற்புரையாற்றினார். இதில் சிறப்பு விருந்தினராக கலந்து கொண்ட தூத்துக்குடி மாவட்ட காவல்துறை கண்காணிப்பாளர் பாலாஜி சரவணன் சிசிடிவி கேமரா திறந்துவைத்து தொடங்கிவைத்தார் 



பின்னர் தூத்துக்குடி மாவட்ட காவல்துறையின் சார்பில் மாற்றத்தை தேடி சமூக விழிப்புணர்வு கூட்டம் நடந்தது கூட்டத்தில் 36 குற்றங்களை தடுக்கும் விதமாக எஸ்பி தலைமையில் உறுதிமொழி எடுத்துக் கொள்ளப்பட்டது. இந்நிகழ்ச்சியில் தமிழ்நாடு மெர்க்கன்டைல் வங்கியின் உதவி பொது மேலாளர் அருள் செழியன், தலைமை பாதுகாப்பு அதிகாரி சிந்தாமணி, தூத்துக்குடி பிரதான கிளை தலைமை மேலாளர் திலகர் பொன்துரை, வியாபாரிகள் சங்க தலைவர் விநாயகமூர்த்தி, செயலாளர் பாஸ்கரன், போக்குவரத்து ஆய்வாளர் மயிலேறும் பெருமாள், உதவி ஆய்வாளர் வெங்கடேசன், மத்திய பாகம் உதவி ஆய்வாளர்கள் முருகப் பெருமாள், முத்துகிருஷ்ணன், இசக்கியப்பன் உட்பட பலர் கலந்து கொண்டனர்


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads



Arputham Hospital








Thoothukudi Business Directory