கருங்குளம் அருகே பைக் விபத்தில் ஒருவர் பலி!

கருங்குளம் அருகே பைக்கில் சென்றவர் நிலைதடுமாறி கீழே விழுந்ததில் பரிதாபமாக இறந்தார் 

சென்னை, மணலி மடத்தூர் காலனியை சேர்ந்தவர் வேதநாயகம் மகன் மோகன்ராஜ் (55). இவர் நெல்லை டவுனில் உள்ள தனது மருமகன் வீட்டுக்கு வந்து பைக்கில் வந்து கொண்டிருந்தார். தூத்துக்குடி மாவட்டம் கருங்குளத்தில் பைக்கில் சென்று கொண்டிருந்தபோது நெல்லை - திருச்செந்தூர் பிரதான ரோட்டில் பைக் நிலை தடுமாறி விபத்துக்குள்ளானது. இதில் தலையில் பலத்த காயம் அடைந்து அவர் சம்பவ இடத்திலேயே பரிதாபமாக இறந்தார்.இந்த சம்பவம் குறித்து செய்துங்கநல்லூர் போலீஸ் இன்ஸ்பெக்டர் அருள் வழக்குப்பதிவு செய்து விசாரணை நடத்தி வருகிறார்.