» செய்திகள் - விளையாட்டு » மாவட்ட செய்தி (தூத்துக்குடி)
பஸ், வேன்கள், கார் என 4 வாகனங்கள் அடுத்தடுத்து மோதி விபத்து: 8 பேர் காயம்
புதன் 19, ஜனவரி 2022 9:38:58 PM (IST)
நெல்லையில் பஸ், வேன்கள், கார் என 4 வாகனங்கள் அடுத்தடுத்து மோதிய விபத்தில் 7 பெண்கள் மற்றும் ஒரு சிறுவர் உள்பட 8 பேர் காயம் அடைந்தனர்.
பாளை அருகே உள்ள முன்னீர்பள்ளத்தை அடுத்த மேல முன்னீர்பள்ளம் கிராமத்தை சேர்ந்தவர் வேல் ராஜ். இவரது குடும்பத்தினர் மற்றும் உறவினர்கள் மறுகால் தலையில் உள்ள சாஸ்தா கோவிலுக்கு செல்வதற்காக இரண்டு வேன்களில் ஏறிக் கொண்டிருந்தனர். 2 வேன்களும் சாலையோரம் நிறுத்தப்பட்டு அதில் பெண்கள் மற்றும் சிறுவர்கள் ஏறிக் கொண்டிருந்தனர்.
அப்போது அம்பையில் இருந்து நெல்லை நோக்கி வந்த தனியார் பஸ், திடீரென்று கட்டுப்பாட்டை இழந்து ஒரு வேனின் பின் பகுதியில் மோதியது. இதில் 2 வேன்கள் ஒன்றோடு ஒன்று மோதி, எதிரே வந்த கார் மீது மோதி யது. அடுத்தடுத்து 4 வாகனங்கள் ஒன்றுடன் ஒன்று மோதியது.இதில் வேனில் ஏறி அமர்ந்திருந்த 7 பெண்கள் மற்றும் ஒரு சிறுவர் உள்பட 8 பேர் காயமடைந்தனர். அவர்களை நெல்லை அரசு மருத்துவமனையில் அனுமதித்துள்ளனர். அங்கு அவர்களுக்கு சிகிச்சை அளிக்கப்பட்டு வருகிறது. இதுதொடர்பாக முன்னீர்பள்ளம் போலீசார் வழக்குப்பதிவு செய்து விசாரணை நடத்தி வருகிறார்கள்.