தூத்துக்குடி மாவட்ட மத்திய கூட்டுறவு வங்கி வெள்ளி விழா: புதிய கிளையை அமைச்சர் கே.செல்லூர் ராஜூ திறந்து வைத்தார்

தூத்துக்குடி மாவட்ட மத்திய கூட்டுறவு வங்கி வெள்ளி விழாவை முன்னிட்டு கோவில்பட்டியில் புதிய கிளையை அமைச்சர் கே.செல்லூர் ராஜூ திறந்து வைத்தார்.

தூத்துக்குடி மாவட்டம் கோவில்பட்டியில் மத்திய கூட்டுறவு வங்கியின் ராஜீவ் நகர் கிளை திறப்பு விழா, மற்றும் 25வது ஆண்டு வெள்ளிவிழா நடைபெற்றது. விழாவில், மாவட்ட ஆட்சியர் டாக்டர் கே.செந்தில்ராஜ் தலைமை தாங்கினார். தூத்துக்குடி மாவட்ட மத்திய கூட்டுறவு வங்கி தலைவர் சுதாகர் வரவேற்புரையாற்றினர். 

புதிய கிளையை கூட்டுறவுத் துறை அமைச்சர் கே.செல்லூர் ராஜூ திறந்து வைத்தார். விழாவில் செய்தி மற்றும் விளம்பரத்துறை அமைச்சர் கடம்பூர்.செ.ராஜூ குத்துவிளக்கு ஏற்றினார். விளாத்திகுளம் சட்டமன்ற உறுப்பினர் சின்னப்பன், மாவட்ட அறங்காவலர் குழு தலைவர் மோகன், மாவட்ட ஊராட்சிக்குழு தலைவர் சத்யா ஆகியோர் முன்னிலை வகித்தனர். மற்றும் கழக நிர்வாகிகள், கூட்டுறவு துறை அதிகாரிகள், பொதுமக்கள் உள்ளிட்ட பலர் கலந்து கொண்டனர்.