தலைமைக் காவலர் ரேவதிக்கு இரட்டைப் பதவி உயர்வு வழங்கக் கோரி இந்திய கம்யூனிஸ்ட் கட்சி ஆர்ப்பாட்டம்

சாத்தான்குளம் தலைமைக் காவலர் ரேவதிக்கு இரட்டைப் பதவி உயர்வு வழங்கக் கோரி இந்திய கம்யூனிஸ்ட் கட்சி சார்பில் ஆர்ப்பாட்டம் நடந்தது. 

சாத்தான்குளம் தலைமை காவலர் ரேவதிக்கு தொடர்ந்து பாதுகாப்பும் இரட்டைப் பதவி உயர்வும் வழங்க வேண்டும் என்ற கோரிக்கையை வலியுறுத்தி, இந்திய கம்யூனிஸ்ட் கட்சி மற்றும் அதன் தோழமை அமைப்புகளின் சார்பாக நாசரேத்தில் ஆர்ப்பாட்டம் நடைபெற்றது. ஆர்ப்பாட்டத்திற்கு நகர செயலாளர் மாணிக்கம் தலைமை தாங்கினார். ஏஐடியூசி மாவட்ட செயலாளர் கிருஷ்ணராஜ், எழுத்தாளர் ஆறுமுகப்பெருமாள் ஆகியோர் ஆகியோர் முன்னிலை வகித்தனர். ஆர்ப்பாட்டத்தில் நிர்வாகிகள் கந்தசாமி, சுந்தரம், பாலன் ஆட்டோ சங்க இஸ்ரவேல் சின்னத்துரை, சித்திரைவேல் ஆகியோர் கலந்து கொண்டனர்.