தூத்துக்குடி கரோனா வார்டிலிருந்து 41 பேர் டிஸ்சார்ஜ்

தூத்துக்குடி அரசு மருத்துவக் கல்லூரி மருத்துவமனை கரோனா வார்டிலிருந்து இன்று 41 பேர் குணமடைந்து வீடுகளுக்கு அனுப்பி வைக்கப்பட்டனர்.

தூத்துக்குடி மாவட்டத்தில் சென்னை கோயம்பேடு மார்க்கெட்டில் இருந்து வந்தவர்களாலும், மராட்டியம், குஜராத் உள்ளிட்ட வடமாநிலங்களில் இருந்து வந்தவர்களாலும் கரோனா பரவி வந்தது. ஆனால் தற்போது சென்னை உள்ளிட்ட வெளி ஊர்களில் இருந்து வந்தவர்கள் மற்றும் அவர்களுடன் தொடர்பில் உள்ளவர்கள் மூலம்  கரோனா தொற்று அதிகளவில் பரவி வருகிறது.

இந்நிலையில் தூத்துக்குடி அரசு மருத்துவக் கல்லூரி மருத்துவமனை கரோனா வார்டிலிருந்து இன்று 41 நோயாளிகள் குணமடைந்து வீடுகளுக்கு அனுப்பி வைக்கப்பட்டனர். இன்று தூத்துக்குடி மாவட்டத்தில் புதிதாக 82 பேருக்கு கரோனா தொற்று உறுதி செய்யப்பட்டுள்ளது. இன்று மாலை 6 மணி நிலவரப்படி 244 பேர் நோய்த்தொற்றின் காரணமாக உள்நோயாளிகளாக சிகிச்சை பெற்று வருவதாக தெரிவிக்கப்பட்டுள்ளது.