ஸ்டெர்லைட் ஆலைக்கு வந்த லாரியை தடுத்த வக்கீல் மீது வழக்குப் பதிவு

தூத்துக்குடியில் ஸ்டெர்லைட் ஆலைக்கு காப்பர் ஸ்லாக் ஏற்றிவந்த லாரியை சிறைபிடித்தது தொடர்பாக வக்கீல் மீது வழக்குப் பதிவு செய்யப்பட்டுள்ளது. 

தூத்துக்குடியில் ஸ்டெர்லைட் ஆலைக்கு எதிராக மக்கள் தொடர் போராட்டம் நடத்தி வருகின்றனர். கடந்த சில தினங்களுக்கு முன்பு ஸ்டெர்லைட் ஊழியர்களின் குடும்பத்தினர் வந்த பேருந்து கல்வீசி தாக்கப்பட்டது. 

மேலும் கடந்த சில தினங்களுக்கு முன்பு துறைமுகம் அருகே உள்ள குடோனில் இருந்து ஸ்டெர்லைட் ஆலைக்கு காப்பர் ஸ்லாக் ஏற்றிவந்த லாரியை சிலர் நள்ளிரவில் தடுத்து நிறுத்தி போராட்டம் நடத்தினர். இதுகுறித்து ஆலையின் தலைமை வணிக மேலாளர் கணவேல் சிப்காட் காவல் நிலையத்தில் புகார் அளித்தார். அதன் பேரில் போலீசார், லாரியை தடுத்து நிறுத்திய வக்கீல் அதிசயகுமார் உள்ளிட்ட சிலர் மீது வழக்குப் பதிவு செய்துள்ளனர்.