» செய்திகள் - விளையாட்டு » மாவட்ட செய்தி (தூத்துக்குடி)

முத்துநகர் எக்ஸ்பிரசில் ரூ.7.5 லட்சம் நகை கொள்ளை : ரயில்வே போலீஸ் விசாரணை

வெள்ளி 5, மே 2017 11:28:43 AM (IST)

சென்னையிலிருந்து துாத்துக்குடி வந்த முத்துநகர் எக்ஸ்பிரசில் 2 பயணிகளிடம் சுமார் 7½ லட்சம் ரூபாய் மதிப்புள்ள நகை. பணம் கொள்ளையடிக்கப்பட்டுள்ளது அதிர்ச்சியை ஏற்படுத்தியுள்ளது.

சென்னையிலிருந்து துாத்துக்குடிக்கு தினந்தோறும் இரவு 7.45 மணிக்கு முத்துநகர் எக்ஸ்பிரஸ் இயக்கப்படுகிறது. இந்த ரயிலில் எஸ் 12 கோச்சில் நேற்று இரவு சென்னையிலிருந்து துாத்துக்குடிக்கு, ஏரலில் நடக்கும் உறவினர் திருமணத்தில் கலந்து கொள்வதற்காக சென்னை வண்ணார் பேட்டையை சேர்ந்த ஷேக் அப்துல்காதர் மகன் காஜாமுகைதீன் (39) என்பவர் தனது மனைவி மற்றும் இரு குழந்தைகளுடன் பயணம் செய்துள்ளார். அதே கோச்சில் அவருக்கு பக்கத்து இருக்கையில் ,முடிவைத்தானேந்தலில் நடைபெறும் கோவில் கொடைவிழாவில் கலந்து கொள்வதற்காக சென்னை திருமுல்லைவாயில் பகுதியை சேர்ந்த ராமசாமி என்பவரது மனைவி புஷ்பவள்ளி (36) என்பவர் தனது இரு மகள்களுடன் பயணம் செய்தார். 

இதில் காஜா முகைதீன் தனது 3 பேக்குகளையும்,புஷ்பவள்ளி தனது இரண்டு பேக்குகளையும் சீட்டுக்கு அடியில் வைத்து விட்டு இரவு துாங்கியுள்ளனர். ரயில் திருச்சிக்கும் , திண்டுக்கல் அருகே உள்ள வடமதுரைக்கும் இடையே வந்து கொண்டிருந்த போது 5 பேக்குகளையும் மர்ம நபர்கள் கொள்ளையடித்து சென்றுள்ளனர். ரயில் திண்டுக்கல் வரும் போது முழித்து பார்க்கும் போது தங்களது பேக்குகள் காணாமல் போனதை பார்த்து பதறிய இருவரும் ரயிலை நிறுத்தியுள்ளனர்.

தொடர்ந்து ரயிலில் பாதுகாப்பு பணியில் இருக்கும் போலீசார் அவர்களிடம் சென்று விசாரித்த போது காஜாமுகைதீன் தனது 3 பேக்கில் 35 பவுன் தங்க நகைகள் மற்றும் துணியும், புஷ்பவள்ளி தனது 2 பேக்கில் 12 ஆயிரம் ரூபாய் பணமும் துணிகளும், இதர பொருட்களும் வைத்திருந்தது தெரியவந்தது. கொள்ளை போன நகைகளின் மதிப்பு சுமார் ஏழரை லட்சம் என தெரியவந்தது. 

இது குறித்து போலீசார் அவர்களிருவரிடமும் திண்டுக்கல் காவல் நிலையத்தில் புகார் செய்யுமாறு கூறவே அவர்கள் அதற்கு மறுப்பு தெரிவித்து துாத்துக்குடியிலேயே புகார் செய்து கொள்வதாக கூறியுள்ளனர்.இன்று காலை ரயில் துாத்துக்குடி வந்ததும் போலீசில் புகார் அளித்தனர். கொள்ளை நடந்த இடம் திண்டுக்கல் என்பதால் புகாரை சம்பந்தப்பட்ட காவல் நிலையத்திற்கு போலீசார் அனுப்பி வைத்தனர்.

பேக் கொள்ளை நடந்த எஸ் 12 கோச் முன்பதிவு செய்து செல்வதில் கடைசியில் இருக்கும் என்பது குறிப்பிடத்தக்கது.இதற்கு பின்னால் முன்பதிவு செய்யாத பெட்டிகள் இருக்கும். எனவே ரயிலில் திருட்டு, கொள்ளை போன்ற செயலில் ஈடுபடுபவர்களுக்கு இது வசதியாக இருப்பதாக கூறப்படுகிறது.மேலும் முத்துநகர் எக்ஸ்பிரசில் நடக்கும் பெரிய கொள்ளை இது தான் .எனவே ரயிலில் பாதுகாப்புக்கு இருக்கும் போலீசார் இரவு நேரங்களில் கண்காணிப்பை தீவிரப்படுத்த வேண்டுமென ரயில் பயணிகள் கோரிக்கை விடுத்துள்ளனர்.


மக்கள் கருத்து

Tuticorianமே 5, 2017 - 12:04:46 PM | Posted IP 117.2*****

The authorities concerned should check unauthorized entries in the reserved coaches. Several small thefts in Pearl City Express have gone un-reported. It is regularly happening .

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Annai Jewellers

Sponsored Ads


Nalam Pasumaiyagam

Universal Tiles Bazar

New Shape Tailors


Johnson's Engineers


selvam aqua





Thoothukudi Business Directory