வெறும் காகிதப் புலிகள்: அமெரிக்காவின் முற்றுகை மிரட்டலுக்கு உச்ச தலைவர் கடும் எச்சரிக்கை!

» செய்திகள் - விளையாட்டு » உலகம்

வெறும் காகிதப் புலிகள்: அமெரிக்காவின் முற்றுகை மிரட்டலுக்கு உச்ச தலைவர் கடும் எச்சரிக்கை!

சனி 2, மே 2026 11:42:48 AM (IST)

மேற்காசியப் பகுதியில் உள்ள அமெரிக்க ராணுவத் தளங்கள் வெறும் காகிதப் புலிகள் என்றும், அவற்றால் தங்களைத் தாங்களே பாதுகாத்துக் கொள்ள முடியாது என்றும் ஈரானின் புதிய உச்ச தலைவர் அயதுல்லா மொஜ்தபா காமேனி கடுமையாகச் சாடியுள்ளார்.

கடந்த பிப்ரவரி 28-ம் தேதி ஈரானுக்கு எதிராக அமெரிக்கா மற்றும் இஸ்ரேல் நடத்திய கூட்டுத் தாக்குதலில் 2,000-க்கும் மேற்பட்ட ஈரானியர்கள் கொல்லப்பட்டனர். 40 நாட்கள் நீடித்த இந்த மோதல், ஏப்ரல் 8-ம் தேதி அறிவிக்கப்பட்ட இரு வார கால போர் நிறுத்தத்திற்குப் பிறகு சற்று தணிந்தது.

நிரந்தர அமைதியை ஏற்படுத்த பாகிஸ்தானில் 21 மணிநேரம் நடைபெற்ற முதற்கட்ட அமைதிப் பேச்சுவார்த்தை உடன்பாடு ஏதுமின்றித் தோல்வியில் முடிந்தது. இதைத் தொடர்ந்து, ஈரானிய துறைமுகங்களை முற்றுகையிடப் போவதாகவும், பொருளாதாரத் தடைகள் நீடிக்கும் என்றும் அமெரிக்கா அறிவித்ததால் மேற்காசியாவில் மீண்டும் போர் மேகங்கள் சூழத் தொடங்கியுள்ளன.

இந்தச் சூழலில், 'எக்ஸ்' (X) வலைதளத்தில் பதிவிட்டுள்ள உச்ச தலைவர் மொஜ்தபா காமேனி, அமெரிக்காவுக்கு ஆதரவாகச் செயல்பட்ட இஸ்ரேல் மற்றும் சில அரபு நாடுகளைச் சுட்டிக்காட்டி அமெரிக்கப் படைகளின் பலவீனத்தை விமர்சித்துள்ளார். சமீபத்தில் ஈரான் நடத்திய ஏவுகணை மற்றும் ட்ரோன் தாக்குதல்கள் அமெரிக்கத் தளங்களைத் துல்லியமாகத் தாக்கியதை அவர் மறைமுகமாகத் தெரிவித்துள்ளார்.

பாரசீக வளைகுடா குறித்து: மற்றொரு பதிவில், "பாரசீக வளைகுடா என்பது வெறும் கடல் நீர் மட்டுமல்ல; அது எங்கள் அடையாளம், நாகரீகம் மற்றும் உலகப் பொருளாதாரத்தின் முக்கிய வழித்தடம்" என அதன் முக்கியத்துவத்தை அவர் வலியுறுத்தியுள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: