» செய்திகள் - விளையாட்டு » உலகம்

பாகிஸ்தானுக்கு போர் விமானம் வழங்கிய விவகாரம்: அமெரிக்காவுக்கு இந்தியா கடும் எதிர்ப்பு!

திங்கள் 26, செப்டம்பர் 2022 12:36:46 PM (IST)

அமெரிக்காவில் சுற்றுப்பயணம் மேற்கொண்டுள்ள மத்திய வெளிவிவகார அமைச்சர் ஜெய்சங்கர் பாகிஸ்தானுக்கு போர் விமானம் வழங்கிய விவகாரத்தில் கடுமையாக சாடி பேசியுள்ளார்.

அமெரிக்காவின் நியூயார்க் நகரில் நடந்த ஐ.நா. பொது சபையின் உயர்மட்ட கூட்டத்தில் மத்திய வெளிவிவகார அமைச்சர் ஜெய்சங்கர் கலந்து கொண்டார். கடந்த சனிக்கிழமை இந்த கூட்டம் நிறைவடைந்தது. இதனை தொடர்ந்து, அடுத்த 3 நாட்கள் அவர் வாஷிங்டனில் செலவிடுகிறார்.

இதில், அமெரிக்க வெளியுறவு அமைச்சர் அந்தோணி பிளிங்கன் மற்றும் அதிபர் பைடன் நிர்வாகத்தில் உள்ள பிற முக்கிய உயரதிகாரிகளை ஜெய்சங்கர் சந்தித்து பேச இருக்கிறார். சில வாரங்களுக்கு முன், ரூ.3 ஆயிரத்து 667 கோடி மதிப்பிலான எப்-16 ரக போர் விமானங்களை பாகிஸ்தானுக்கு வழங்குவதற்கு அமெரிக்காவின் வெளியுறவு அமைச்சகம் ஒப்புதல் அளித்தது. 2018-ம் ஆண்டுக்கு பின்பு முதன்முறையாக இந்நடவடிக்கை மேற்கொள்ளப்பட்டு உள்ளது.

இதுபற்றி மத்திய அமைச்சர் ஜெய்சங்கரிடம் கூட்டத்தில் இருந்தவர்கள் சார்பில் வினா எழுப்பப்பட்டது. அதற்கு பதில் அளித்த அவர், இந்த உறவு முறைக்கு அமெரிக்காவே இன்று உண்மையில் பதிலுரைக்க வேண்டும். இதனை வழங்கியதில் அவர்களுக்கு என்ன கிடைத்தது என அவர்கள் கூற வேண்டும்.

ஒரு சிலர் கூறலாம். நாங்கள் இதனை செய்கிறோம். ஏனெனில், இவை அனைத்தும் பயங்கரவாத ஒழிப்புக்கான செயல் என்று. ஆனால், எப்-16 போன்ற திறன் படைத்த விமானங்களை பற்றி பேசும்போது, ஒவ்வொருவருக்கும் அது பற்றி நன்றாக தெரியும்.

அதனை பெறுபவர்கள் எங்கே அவற்றை குவிக்கிறார்கள் மற்றும் அவர்கள் பயன்பாடு என்ன என்பது பற்றியும் உங்களுக்கு தெரியும். இதுபோன்ற விசயங்களை கூறி விட்டு, நீங்கள் யாரையும் முட்டாளாக்கவில்லையா? என குறிப்பிட்டு உள்ளார்.

அமெரிக்காவின் நாடாளுமன்ற உறுப்பினர் ஒருவரிடம் நான் பேசியிருந்தால், உண்மையில் இந்த விவகாரத்தில், நீங்கள் என்ன செய்து கொண்டிருக்கிறீர்கள்? என்று பேசியிருப்பேன் என உறுதிப்பட ஜெய்சங்கர் கூறியுள்ளார். பாகிஸ்தானுக்கு அமெரிக்கா போர் விமானங்களை வழங்கும் முடிவை தொடர்ந்து, மத்திய ராணுவ அமைச்சர் ராஜ்நாத் சிங், அமெரிக்க பாதுகாப்பு அமைச்சர் ஆஸ்டினை உடனடியாக தொடர்பு கொண்டு இந்தியாவின் கவலையை வெளியிட்டார்.


மக்கள் கருத்து

TruthOct 1, 2022 - 03:19:31 PM | Posted IP 162.1*****

This is not a Trump Business. a Joebiden worst Congress Business.

this is businessSep 26, 2022 - 03:33:06 PM | Posted IP 162.1*****

This is America's business

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads








Arputham Hospital



Thoothukudi Business Directory