» செய்திகள் - விளையாட்டு » உலகம்

ஈரானிடம் இருந்து கச்சா எண்ணைய் கொள்முதல்: இந்தியா, சீனாவுக்கு டிரம்ப் மிரட்டல்

வியாழன் 11, அக்டோபர் 2018 12:39:30 PM (IST)

ஈரானிடம் இருந்து கச்சா எண்ணைய் கொள்முதல் செய்யும் நாடுகளுக்கு அமெரிக்க அதிபர் டொனால்டு டிரம்ப் மிரட்டல் விடுத்துள்ளார். 

ஈரானுடனான அணு சக்தி ஒப்பந்தத்தை முறித்துக்கொண்ட கையோடு, அந்நாட்டுக்கு எதிராக பல்வேறு பொருளாதார தடைகளை அமெரிக்க அதிபர் டொனால்டு டிரம்ப் விதித்துள்ளார். அந்நாட்டிடம் வர்த்தக உறவுகளை வைத்துள்ள நாடுகள் நவம்பர் 4 ஆம் தேதிக்குள், அதை முறித்துக்கொள்ள வேண்டும் என்று கூறியிருந்தார். ஈரானிடம் இருந்து எண்ணய் கொள்முதல் செய்யும் நாடுகளில் ஒன்றாக இந்தியாவும் திகழ்கிறது. 

அமெரிக்காவின் பொருளாதார தடையால், ஈரானிடம் எண்ணைய் கொள்முதல் செய்யும் நாடுகள் அதனை நிறுத்த வேண்டிய கட்டாயத்துக்கு தள்ளப்பட்டது. இந்தியாவும் எத்தகைய முடிவு எடுக்கும் என்று உலக நாடுகள் உற்று நோக்கிய நிலையில், ஈரானிடம் இருந்து தொடர்ந்து கச்சா எண்ணைய் இறக்குமதி செய்யப்படும் என்று இந்தியா தெரிவித்தது. அமெரிக்காவின் பொருளாதார தடையை மீறி இந்தியா, இந்த முன்னெடுப்பை மேற்கொள்ள திட்டமிட்டுள்ளது. 

இந்நிலையில், செய்தியாளர்களுக்கு பேட்டி அளித்த அமெரிக்க அதிபர் டொனால்டு டிரம்பிடம் இந்தியா, சீனா உட்பட சில நாடுகள் ஈரானிடம் இருந்து தொடர்ந்து கச்சா எண்ணைய் கொள்முதல் செய்ய முடிவு செய்துள்ளது பற்றி கேள்வி எழுப்பினர். இக்கேள்விக்கு பதிலளித்த டிரம்ப்  " நவம்பர் 4 ஆம் தேதிக்கு பிறகும் ஈரானிடம் இருந்து எண்ணைய் கொள்முதல் செய்யும் நாடுகளை நாங்கள் பார்த்துக்கொள்கிறோம்” என மிரட்டல் தொனியில் பதிலளித்தார். 

அமெரிக்காவின் பொருளாதார தடைகளை பொருட்படுத்தாத இந்தியா, வரும் மாதம் ஈரானிடம் இருந்து கச்சா எண்ணைய் கொள்முதல் செய்ய திட்டமிட்டுள்ளது. இந்த தகவலை மத்திய பெட்ரோலியத்துறை அமைச்சர் தர்மேந்திர பிரதான் நேற்று உறுதிப்படுத்தினார். இந்தியன் ஆயில் கார்பரேஷன், மற்றும் மங்களூர் ரிபைனரி பெட்ரோ கெமிக்கல்ஸ் லிமிடெடு (MRPL) ஆகிய இரண்டு அரசு நிறுவனங்களும் ஈரானிடம் இருந்து 1.25 மில்லியன் டன் கச்சா எண்ணைய் இறக்குமதியை அடுத்த மாதம் செய்ய முடிவெடுத்துள்ளது. 


மக்கள் கருத்து

ஒருவன்Oct 13, 2018 - 05:33:18 PM | Posted IP 141.1*****

இரான் ஒரு தீவிரவாத நாடு மாட்டு மூளை காவி மண்டையனுக்கு ஒன்னும் தெரியாது

ஒருவன்Oct 13, 2018 - 05:31:08 PM | Posted IP 141.1*****

சாமி அவர்களுக்கு காங்கிரஸ் வேற , டிரம்ப் வேற ... மூடிட்டு போகவும்

சாமிOct 12, 2018 - 02:07:22 PM | Posted IP 162.1*****

தம்பி - எங்கள் தல உன் மிரட்டலுக்கு எல்லாம் பயப்படாது - அவர் கைகட்டி காங்கிரஸ் கூடாரத்தில் இருந்து வந்தவர் அல்ல

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Gift

Sponsored Ads



crescentopticals

Joseph Marketing


Friends Track CALL TAXI & CAB (P) LTD

New Shape Tailors





Thoothukudi Business Directory