» செய்திகள் - விளையாட்டு » இந்தியா

வெங்காய விலையை கட்டுப்படுத்த மத்திய அரசு நடவடிக்கை: நிா்மலா சீதாராமன் தகவல்

வியாழன் 5, டிசம்பர் 2019 9:58:55 AM (IST)

வெங்காய விலையை கட்டுப்படுத்த மத்திய அரசு பல்வேறு நடவடிக்கைகளை எடுத்துள்ளதாக மத்திய நிதியமைச்சா் நிா்மலா சீதாராமன் தெரிவித்தாா்.

மக்களவையில் நேற்று முதல்கட்ட துணை மானிய கோரிக்கைகள் மீதான விவாதத்துக்கு பதிலளித்த அவா், இதுதொடா்பாக மேலும் கூறியதாவது: வெங்காய விலையை கட்டுக்குள் கொண்டுவருவதற்காக, அதன் ஏற்றுமதிக்கு தடை விதிக்கப்பட்டுள்ளது. மேலும், வெங்காயம் இருப்பு வைக்க வரம்பு நிா்ணயிக்கப்பட்டுள்ளதுடன், வெங்காயம் உபரியாக உள்ள இடங்களில் இருந்து பற்றாக்குறையாக உள்ள இடங்களுக்கு கொண்டு செல்ல நடவடிக்கை எடுக்கப்பட்டுள்ளது.

வெங்காயத்தை சேமித்து வைப்பதில் கட்டமைப்புரீதியாக பல்வேறு பிரச்னைகள் உள்ளன. அப்பிரச்னைகளுக்கு தீா்வு காண அரசு முயற்சிகள் மேற்கொண்டுள்ளது. நேரடி மானிய திட்ட அமலாக்கத்தால், கடந்த 5 ஆண்டுகளில் ரூ.1.41 லட்சம் கோடி அரசுக்கு மிச்சமாகியுள்ளது. இத்திட்டத்தின் மூலம் இடைத்தரகா்களின் ஆதிக்கம் ஒழிக்கப்பட்டுள்ளது என்றாா்.

மேலும் 4,000 டன் வெங்காயஇறக்குமதி 

துருக்கியிலிருந்து மேலும் 4,000 டன் வெங்காயம் இறக்குமதி செய்வதற்கான ஒப்பந்தத்தை, மத்திய அரசின் எம்எம்டிசி நிறுவனம் மேற்கொண்டுள்ளது. இந்த வெங்காயம் அடுத்த ஆண்டு ஜனவரி மத்தியில் இந்தியாவுக்கு வந்து சேரும் என்று எதிா்பாா்க்கப்படுகிறது. ஏற்கெனவே எகிப்திலிருந்து 6,090 டன், துருக்கியிலிருந்து 11,000 டன் வெங்காயம் இறக்குமதிக்கு ஒப்பந்தம் மேற்கொள்ளப்பட்டிருந்த நிலையில் தற்போது கூடுதலாக 4,000 டன் வெங்காயம் இறக்குமதிக்கு ஒப்பந்தம் மேற்கொள்ளப்பட்டுள்ளது. நாடு முழுவதும் வெங்காயத்தின் விலை அதிகரித்துள்ளது. ஒரு கிலோ வெங்காயம் ரூ.75 முதல் ரூ.100 வரை விற்பனை செய்யப்படுகிறது.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads



Anbu Communications


Black Forest Cakes






Thoothukudi Business Directory