» செய்திகள் - விளையாட்டு » இந்தியா

காஷ்மீரில் சி.ஆர்.பி.எப். முகாமை தாக்க வந்த 2 தீவிரவாதிகளும் சுட்டு கொலை

செவ்வாய் 13, பிப்ரவரி 2018 5:30:24 PM (IST)



காஷ்மீரில் மத்திய ரிசர்வ் படை (சி.ஆர்.பி.எப்.) முகாமை தாக்க வந்த 2 தீவிரவாதிகளும் பாதுகாப்பு படையினரால் இன்று சுட்டு கொல்லப்பட்டனர்.

காஷ்மீர் மாநிலம் ஸ்ரீநகரில் சி.ஆர்.பி.எப். முகாம் உள்ளது. நேற்று அதிகாலை 4.30 மணி அளவில் அந்த பகுதிக்கு 2 தீவிரவாதிகள் ஏ.கே. 47 துப்பாக்கிகள் மற்றும் பயங்கர ஆயுதங்களுடன் வந்தனர். முகாமில் கண்காணிப்பு பணியில் இருந்த பாதுகாவலர் தீவிரவாதிகள் வருவதை பார்த்ததும் அவர்களை நோக்கி துப்பாக்கி சூடு நடத்தினார். இதனையடுத்து அந்த 2 தீவிரவாதிகளும் தப்பியோடினர். பாதுகாப்பு படை வீரர்கள் அவர்களை துரத்தி சென்றனர். 

அந்த 2 தீவிரவாதிகளும் கரண் நகர் பகுதியில் உள்ள ஒரு கட்டிடத்தில் பதுங்கினர். பாதுகாப்பு படையினர் அந்த கட்டிடத்தை சுற்றி வளைத்து தீவிரவாதிகள் தப்பி செல்லாமல் இருக்க நடவடிக்கை எடுத்தனர். இதனையடுத்து கட்டிடத்தில் பதுங்கி இருந்த தீவிரவாதிகள் பாதுகாப்பு படையினரை நோக்கி துப்பாக்கி சூடு நடத்தினர். பாதுகாப்பு படையினர் பதில் தாக்குதல் நடத்தினர். இன்று காலையிலும் தீவிரவாதிகளுக்கும் பாதுகாப்பு படையினருக்கும் இடையே துப்பாக்கி சண்டை நடைபெற்றது. இறுதியில் தீவிரவாதிகள் இருவரும் பாதுகாப்பு படையினரால் சுட்டு கொல்லப்பட்டனர்.


மக்கள் கருத்து


மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.



மேலும் தொடரும் செய்திகள்

Sponsored Ads

New Shape Tailors

Nalam Pasumaiyagam


Black Forest Cakes


Anbu Communications


CSC Computer Education

Joseph Marketing



Thoothukudi Business Directory